بنگال میں کورونا کیسز کی تعداد میں ایک بار پھر اضافہ پوجا سے پہلے
رپورٹ : محمد شمیم حسین ۔ کولکاتا
گزشتہ 24 گھنٹوں کے دوران ریاست میں 643 افراد کورونا سے متاثر ہوئے ہیں۔ اس کے علاوہ 14 افراد کورونا کی وجہ سے ہلاک ہوئے۔ پچھلے 24 گھنٹوں میں اموات اور انفیکشن دونوں میں اضافہ ہوا ہے۔
گزشتہ 24 گھنٹوں میں کورونا سے صحت یاب ہونے والے افراد کی تعداد ، جیسا کہ بدھ کو ریاستی محکمہ صحت کے کوویڈ بلیٹن میں بتایا گیا ہے ، 753 ہے۔ ریاست میں فعال کورونا مریضوں کی تعداد 6،050 ہے۔ ریاست میں اس وقت صحت یابی کی شرح 97.29 فیصد ہے۔
کورونا انفیکشن کے معاملے میں شمالی 24 پرگنہ اب بھی سرفہرست ہے۔ گزشتہ 24 گھنٹوں کے دوران اس ضلع میں 142 افراد کورونا سے متاثر ہوئے ہیں۔ اس سے کم ، 124 لوگ صحت یاب ہو چکے ہیں۔ گزشتہ 24 گھنٹوں کے دوران 4 افراد کورونا سے جاں بحق ہوئے۔ اس ضلع میں انفیکشن کی تعدادمیں اضافہ ہوا ہے۔ کولکا تا میں 130 افراد نئے کیسیز میں کورونا سے متاثر ہوئے ہیں جس میں دو افراد ہلاک ہو چکے ہیں۔
اگرچہ ندیا میں متاثرین کی تعداد زیادہ نہیں ہے ، لیکن گزشتہ چند دنوں سے ضلع میں موت کی تعداد تشویش کا باعث ہے۔ ندیا میں اب بھی کورونا کی وجہ سے سب سے زیادہ اموات ہوئی ہیں۔ کوویڈ بلیٹن کے مطابق اس دن ندیا میں 6 افراد ہلاک ہوئے۔پوجا سے قبل کورونا میں اضافہ حکومت کے لئے الگ سر درد بن گیا ہے۔ایک ملریا ،ڈینگو اور وائرل نمونیا اور دوسری طرف کویڈ کی تیسری لہر۔
